Franca u shpall kampione Bote në Botërorin e Rusisë, pasi mposhti 4-2 në finalen e Moskës surprizën Kroaci. Në pjesën e parë francezët ishin duke fituar 2-1, më shumë falë gabimeve të kroatëve, për këtë arsye Deschamps në dhomat e zhveshjes u ka shpjeguar lojtarëve strategjinë që do të ndjekin në vazhdim.
“Ata dalin përpara, do të vijnë të marrin topin, jashtë shumë agresivë. – tha trajneri i Francës. – Ju po e shihni sa energji kanë. Luani sa më thjeshtë të jetë e mundur. Nëse keni topin dhe dikush po ju bën presion, atëherë pasojeni atë. Pasojeni sa më shpejt dhe sa më shpesh te Kylian.”
Më pas ai i drejtohet Griezmann, duke i thënë se ekipi kishte nevojë që ai të kthehet më prapa, pasi duhet një njeri që të marrë pasimet në kundërsulm. “Antonie duhet të zbresësh pak më poshtë gjatë kundërsulmeve tona, – tha Deschamps. – Ti po qëndron shumë i avancuar në sulm. Ne na duhet të kemi një pikë pasimi më shumë edhe ai mund të jesh ti.”
Fjalën e fundit e thotë eksperti i trofeve, Raphael Varane. Ai përplas dorën në tavolinë për të fituar vëmendjen e skuadrës dhe shprehet: “Çuna gjithçka është në dorën tonë. Duhet të besojmë te fitorja. Ne do të fitojmë, ne na do fitojmë këtë ndeshje. Nuk na intereson sesi, por kanë ngelur 45 minuta ku do të japim gjithçka. Forca…”
