Qeveria e Serbisë ka vendosur të kërkojë testin negativ të koronavirusit për udhëtarët që hyjnë në territorin e saj. Testi PCR, duhet të jetë jo më i vjetër se 48 orë, dhe do t’iu kërkohet si shtetasve të vendit, ashtu edhe të huajve.
Siçnjoftoi Qeveria e Serbisë, ky vendim do të hyjë në fuqi të dielën, më 20 dhjetor.
Testi PCR përcakton nëse virusi është aktiv, duke analizuar strishot nga hunda dhe fyti.
Qeveria e Serbisë miratoi këtë masë pas rekomandimit të Shtabit të Krizave, institucionet që merret me mbrojtjen e shëndetit të popullatës nga pandemia.
Në 24 orët e fundit, Serbia shënoi 53 viktima dhe 5884 të infektuar me koronavirus.
