Neymar ka menduar që të nxehë sa më shumë sfidën me Liverpool në kuadër të grupit C në Champions League e cila do të zhvillohet pas disa ditësh. Ylli brazilian mësohet ta ketë eliminuar Liverpoolin nga lufta për të triumfuar në Premier League, duke mos e përfshirë në katër vendet e para.
Superylli brazilian ka vendosur si favorit kryesor Manchester Cityn e Guardiolas, për tu ndjekur nga ekipi tjetër i Manchesterit që drejtohet nga Mourinho. Dhe, sipas Daily Express, ai është pyetur se kush do ta fitojë Premier League sipas mendimit të tij.
“Kush do ta fitojë atë? Epo kjo është e vështirë,” ka thënë Neymar. “Është shumë, shumë e vështirë, por mendoj se Manchester City do ta fitojë. I dyti do të jetë United, i treti është Chelsea. I katërti Tottenham.”
Neymar konfirmoi se nuk ka vend për Liverpool, pavarësisht një starti mbresëlënës, duke qenë lider pas katër ndeshjeve.
