E ardhmja e yllit brazilian vazhdon të diskutohet gjatë edhe në këtë merkato vere. Shumë zëra e lidhin atë me një largim drejt Madridit, por Neymar ka vendosur tu japë fund njëherë e mirë këtyre zërave. Ai ka shprehur besnikëri nga klubit parisien dhe se kërkon që të jetë protagonist në historinë e klubit. Ylli brazilian ka ngritur në qiell edhe shokun e tij të skuadrës që shkëlqeu në Botëror, Kylian Mbappe, duke u shprehur se shumë shpejt ai do të jetë në majën e botës.
“Do të vazhdoj të qëndroj në Paris. Kam një kontratë me Paris Saint-Germain. Shkova në Francë për një sfidë, për të bërë diçka të re dhe për të synuar objektiva të rinj. Në mendjen time asgjë nuk ka ndryshuar nga këto. Sa i përket marrëdhënies me drejtuesit, dua të them se të gjithë përfundojnë duke spekuluar shumë rreth kësaj historie. Është diçka e mërzitshme. E gjithë bota e di përzemërsinë që ndjej për presidentin, për Francën dhe për tifozët e Paris Saint-Germain.”
Sa i përket historisë me Mbappe, braziliani ka theksuar se ka folur shpesh gjatë Kupës së Botës me francezin, madje e ka uruar edhe për suksesin e arritur, sukses të cilin ai nuk mundi ta arrinte me fanellën e Brazilit. Ky zhgënjim duket se ka lënë shenjë, por ai përpiqet që ta kalojë ndërsa nuk ka harruar pa përmendur edhe prurjen e re te PSG, Buffon:
“Sa i përket Kupës së Botës, për fat të mirë çdo gjë tashmë është e kaluar, trishtimi është përballuar dhe ne duhet të përpiqemi të jemi të lumtur. Kemi shumë më tepër arsye për të qenë të lumtur sesa të trishtuar. Buffon!? Është një nder të luaj me të, jo vetëm sepse është një portier i madh por edhe për personin që është. Ai mund të na japë shumë. Shpresoj që të transmetoj te ne shumë nga eksperienca e tij.”
