Neymar spiunohet nga shoku i skuadrës: Kam biseduar, ai e dashuron…

Edhe pse e ka mohuar disa herë largimin nga PSG, Neymar vazhdon të adhurojë LaLiga-n, pasi ka luajtur më parë atje me Barcelonën. Ai vazhdimisht ka qenë i lidhur me një rikthim në Spanjë, por këtë herë tek Real Madrid. Ish-shoku i skuadrës te PSG, që iu bashkua Athletic Bilbaos këtë merkato, Yuri Berchiche është shprehur se brazilianit i pëlqen shumë kampionati spanjoll dhe beson se ai do të rikthehet atje.“Unë kam biseduar me Neymar, ai e dashuron LaLiga-n. Por në rast se do të kthehet e shoh më shumë atë me fanellën e bardhe (Real Madrid), se sa tek katalanasit e Barcelonës. I uroj fat nëse një ditë do të luaj në Madrid”, është shprehur ish-shoku i skuadrës së brazilianit.