Neymar: Real Madrid? Na lodhët, ju e dini pse kam ardhur këtu

E ardhmja e yllit brazilian, Neymar është tema më e nxehtë e muajve të fundit në kampin parisien. Ai çdo ditë lidhet me lajmet e bashkimit me Real Madridin gjatë kësaj vere. Mediat e ndryshme europiane kanë pasur informacione të vazhdueshme mbi interesimin e Real Madridit dhe Manchester United për yllin brazilian.26-vjeçari ka zhvilluar vetëm një sezon tek PSG dhe zërat bëhen gjithmonë e më të fortë që ai do ta thyej kontratën e firmosur deri në vitin 2022. Nga Spanja flitet që Perez të bëjë një investim të çmendur për të bindur PSG-në dhe Neymarin, e cila arrin në 600 milionë euro. Presidenti i PSG, Nasser Al-Khelaifi, tha të shtunën se ishte “2000 për qind” i sigurt se Neymar do të qëndronte me kampionët e Ligue 1.Spekulimet janë, gjithashtu, në rritje të lodhshme ndaj Neymar, i cili u emërua “Lojtari i sezonit në Ligue 1”, të dielën. “Gjithkush e di se për çfarë kam ardhur këtu, se çfarë dua të bëj, qëllimet që kam,–tha ai. Qëllimi im tani është Kupa e Botës. Nuk është koha për të folur për transferimet. Jam pak i lodhur tani me këto zëra të mediave”. Neymar shënoi 28 gola në 30 ndeshje për PSG, përpara se sezoni i tij të përfundonte para kohe, nga një dëmtim serioz në këmbë, në muajin shkurt.