E sigurt është që ky do të jetë sezoni i fundit i Neymar në Paris. Ylli brazilian ende nuk e ka vendosur se kujt skuadër do ti bashkohet sezonin e ardhshëm, por që do të largohet nga PSG e ka të sigurt. Real Madrid, Barça, Manchester City, Manchester United…gjigantët e Europës, tashmë janë vënë në radhë për të marrë shërbimet e Neymar.
Por lajmet e fundit që vijnë nga Parisi nuk kanë të bëjnë me skuadrën e ardhshme të ish-lojtarit të Barcelona-s. Gjëja e fundit që është marrë vesh ka të bëjë me një pakt mes Neymar dhe sheikut të PSG, sipas të cilit klubi parisien i ka premtuar kapitenit të Brazilit që do ta lërë të largohet këtë verë
Por jo me një çmim çfarëdo. PSG shpreson të rikuperojë të paktën 222 milionë eurot e shpenzuara për të. Një shifër e konsiderueshme, por jo e pamundur. Florentino Perez tashmë e ka treguar interesin e tij për ta marrë me çdo kusht Neymar dhe 200 milionë nuk duken një pengesë për të.
