Neymar është i kënaqur me faktin se Lionel Messi do të mungojë në ndeshjen e së martës në ekipin e Argjentinës.
Lojtari brazilian e ka pranuar vetë këtë gjatë konferencës për shtyp. Kjo pasi shanset që Brazili të fitojë, janë më të larta me mungesën e Messit.
“Për ata që duan futbollin, të kesh Messi-n jashtë ndeshjes është diçka e keqe. Por për ne është një lajm i mirë,” shprehet Neymar në konferencën për shtyp.
Ndërkohë braziliani ka vlerësuar lojtarin Dybala, për të cilin ka thënë:
“Argjentina ka Dybala, i cili është një lojtar që më pëlqen shumë, kështu që duhet të tregohemi të vëmendshëm. Është një ndeshje e vështirë. Duhet të bëjmë punën tonë për është gjithmonë diçka e bukur të luash ndaj tyre. Nuk ka favoritë.”
