Në një intervistë për franceze L’Equipe, ish-futbollisti i famshëm anglez, Joey Barton, ka shpërthyer keq ndaj Neymar dhe klubit të PSG-së. Ai e ka quajtur yllin brazilian Kim Kardiashian e futbollit dhe madje ka shkuar më tej ku thotë se në shtëpinë e tij nuk përmendet kurrë emri i Neymar.
“Djali im gjashtë-vjeçar, kur thotë që dëshiron të bëhet futbollisti më i mirë në botë, flet për Ronaldon, Messin, Salah dhe jo Neymar. Në shtëpinë time nuk përmendet kurrë emri i tij. Mendoj që Neymar është Kim Kardashian i futbollit. Sigurisht që nuk është më i miri në botë dhe diçka e tillë u pa në Botërorin e Rusisë. Ai nuk është në nivelin e Ronaldos dhe Messit, madje ka dhe lojtarë të tjerë më të mirë se ai. Më shumë sesa një fenomen i futbollit, ai është një fenomen i publicitetit, njësoj si Kardashian.
Ndërsa më tej ai ka ironizuar edhe skuadrën e PSG-së teksa thotë: Kur shoh PSG me uniforma të nënshkruara nga Majkëll Xhordan, mendoj ‘djema jeni seriozë? Po luajmë basketboll, apo jeni një skuadër futbolli?’ E gjitha kjo më duket e çuditshme. Apo jam gabim?
