Nexhmije Hoxha është një nga qytetarët që preket nga projekti për ndërtimin e Unazës së Madhe. Ajo, si 300 kryefamiljarë të tjerë, është urdhëruar nga Drejtoria e Rrugëve se duhet të lërë banesën e saj.
Por, çfarë mendon e veja 97-vjeçare e diktatorit Enver Hoxha?
Sipas Nexhmijes, kjo është një metodë fashiste që po përdoret nga shteti, duke i nxjerrë në rrugë të madhe qytetarët.
Në një bisedë me gazetarin e Dita, Xhevdet Shehun, ajo ka thënë:
“Si mund të merren vendime të tilla pa na dhënë asnjë mundësi, asnjë alternativë? Çfarë do të bëjmë ne në këto kushte, ku të shkojmë ne, ku të sistemohemi? Na thonë që duhet të zgjidhim trafikun e makinave në Tiranë. Patjetër të zgjidhet po jo kështu. Më duket një veprim tipik fashist dhe banorët këtu që po protestojnë kanë plotësisht të drejtë. Por meqë përmendet emri im, po ju them se kam edhe problemin e ruajtjes së asaj pak trashëgimie që më ka mbetur nga Enveri, që mezi e mblodha kur na degdisën këtu”.
