Kryeministri i Izraelit, Benjamin Netanyahu, në një letër që i ka dërguar kreut të Lëvizjes Vetëvendosje, Albin Kurti ku e ka uruar për fitoren, i ka përmendur edhe marrëveshjen e fundit në mes të Kosovës dhe Izraelit dhe gjithashtu vendimin e Prishtinës për vendosjen e Ambasadës në Jerusalem.
Sipas Gazeta Express, në letrën e tij Netanyahu shkruan se do të ishte i lumtur që ta mirëpriste Albin Kurtin në inaugurimin e Ambasadës së Kosovës në Jerusalem.
“E vlerësoj si shumë të rëndësishëm vendimin e Kosovës për të hapur Ambasadën në Jerusalem dhe iu pres në Izrael për inaugurimin e saj”, ka shkruar Netanyahu.
Ndërkohë, nga Lëvizja Vetëvendosje ka pasur reagime të ndryshme në lidhje me letrëne dërguar nga kryeminstri izraelit. Glauk Konjufca ka thënë se nëse do të jetë kusht dhe kërkesë e Bashkimit Evropian, atëherë do të shqyrtohet si vendim.
Ndërsa, Haki Abazi ka deklaruar se në lidhje me këtë vendim ka shumë rëndësi qëndrimi i Bashkimit Evropian. Sipas tij, Kurti duhet të ulet me Brukselin dhe Izraelin për ta zgjidhur këtë çështje.
