PS ka mbledhur grupin parlamentar, ku Edi Rama ka vendosur se çfarë do të ndodhë me vendin vakant, të lënë pas dorëheqjes së Fatmir Xhafajt.
Nesër në orën 10:00, Kuvendi do të mbajë një seancë të jashtëzakonshme, ku Sandër Lleshi do të vendoset në postin e zëvendësministrit të Brendshëm, dhe përmes një VKM-je do të ushtrojë detyrat e ministrit si i komanduar.
Po kështu në Kuvend do të votohet dhe largimi i Xhafajt.
Kjo situatë e jashtëzakonshme u krijua për shkak të refuzimit që presidenti Meta i bëri dekretimit të Sandër Lleshit, me propozim të Edi Ramës.
Sandër Lleshi nuk kaloi testin e Presidentit të Republikës për tu emëruar në postin e Ministrit të Brendshëm. Per emrin e tij, në Presidencë pati një takim mes Metës dhe Ramës.
