Marrëdhëniet dypalëshe midis Greqisë dhe Shqipërisë, duket se po futen në një rrugë të errët. Nga diskutimet e mbajtura mes dy vendeve flitej për dritë jeshile, por tani shfaqet tuneli i errësirës.
Ka dy ditë që mediat e vendit fqinj po shkruajnë me mllef dhe tone raciste ndaj shqiptarëve. E gjithë kjo vallë agresive reagimesh ka ardhur pas vrasjes së minoritarit Kostandin Kaçifas. 35-vjeçari u vra dy ditë më parë në fshatin Bularat, nga forcat RENEA.
Sot, media më e madhe greke “Prothema.gr”, publikon një artikull me titullin: “Çfarë fshihen shqiptarët rreth Kaçifas – ankth në Athinë”.
“Edhe pse marrëdhënia dypalëshe ishin të ndërlikuara, tashmë vrasja e Kaçifas ka hedhur hije të errët në marrëdhëniet midis Greqisë dhe Shqipërisë. Sidoqoftë, vrasja në Bularat më 28 Tetor mori përmasa politike dhe kombëtare”, shkruan ndër të tjera media greke.
Lidhur me këtë shkrim nuk kanë munguar komentet me nota racistëve të grekëve ndaj shqiptarëve. Një ndër komentet që bie në sy është: “Nëse rrugës sheh një gjarpër dhe një shqiptar, shtyp shqiptarin.”
Mediat e vendit fqinj duket se po i hedhin benzinë zjarrit. Tonet nacionaliste duket se po e çojnë ngjarje në të tjera përmasa. Ndërsa, janë autoritetet ata që duhet të thonë fjalën e fundit./Përshtati: Tirana Today/
