Ish-kryeministri Berisha ka komentuar për herë të parë ndryshimet e bëra në qeverinë Rama. I ftuar në studion e “Opinion”, deputeti demokrat u pyet në lidhje me emërimet e reja dhe për faktin se shumica e ministreve janë zonja.
Ish-kryeministri iu drejtua gazetares Juli Xhokaxhi duke i thënë se nëse ajo merrte përsipër të drekonte për rreth dy muaj me bashkëshorten e kryeministrit, atëherë mund të gjente një vend si ministre. Berisha tha se i tillë është rasti i të paktën tre ministreve, Besa Shahinin, Belinda Ballukut apo Ministres së Financave Anila Denaj.
“Ky është një ekip me disa anë, një anë është ekip i kuzhinës së Surrelit. Të gjitha fijet, Juli, në mënyrë abosulte, nëse ti merr përsipër të drekosh dy muaj rresht me Linda Bashën, atëherë ti do të bëhesh ministre! Shko pyet Besa Shahinin, shko pyet Belinda Ballukun (Ministre e Infrastrukturës dhe Energjisë) Madam falimentimi, (Anila Denaj) pasi e falimentoi Institutin e Sigurimeve Shëndetësore, kjo merr financat e shtetit. Po pse? Për lidhjen që ka me Linda Bashën. Dy muaj kafe dhe ndonjë sushi dhe e sheh sesi përfundon Ministër”,- tha Berisha.
