Qëndrimi i saktë dhe i drejtë na garanton shëndet të mirë, rrit vetëbesimin dhe bën të dukemi të hollë. Megjithatë, përkundër të gjitha këtyre përfitimeve, shumica prej nesh vazhdojnë të përkulen, sidomos kur ulen para kompjuterit.
Ja 10 ushtrime të thjeshta që do t’ju ndihmojnë të mbani shpinën drejt dhe të jeni korrektë.
- Përshëndetja
Vendosni duart pas shpine dhe lidhni pëllëmbët tuaja siç tregohet në figurën e mësipërme. Është e rëndësishme të bëni një vijë të drejtë të krahëve nga një bërryl në tjetrin. Shpatullat tuaja duhet të lëvizin tek njëra-tjetra. Mbajeni këtë pozicion për 10 sekonda.
- Kyçi
Vendos njërin krah prapa shpinës. Ngrini tjetrin, dhe vendoseni pranë bërrylit. Shtrëngoni duart dhe tërhiqeni bërrylin e krahut të sipërm. Ndryshoni duart pas 5 sekondash.
- Bërryli
Pa lëvizur trupin vendosni duart prapa kokës dhe kthejeni pjesën e sipërme në të majtë në mënyrë që supet tuaja të jenë në një kënd të drejtë me pjesën e pasme të karriges. Mbajeni këtë pozicion për 5 sekonda.
- Përkulja
Uluni në buzë të një karrige dhe vendosni krahët prapa kokës. Përkuluni në shpinë, dhe shikoni në tavan. Ngadalë tërhiqni kokën prapa, duke parë lart, derisa të prekni pjesën e pasme të karriges.
- Qëndrimi
Qëndroni si në figurë. Sigurohuni që të ndjeni murin me të dy shpatulla, mollaqe dhe kofshët. Shtrëngoni kraharorin, merrni frymë thellë dhe nxirreni jashtë disa herë.
- Rënia
Ky ushtrim është vazhdim i të parit. Jeni ende me këmbët në mur, hapni anash krahët dhe lëvizni ngadalë përpara pa i përkulur gjunjët. Qëndroni në këtë pozicion për 10 sekonda.
- Muskujt
Mbajini muskujt e barkut në masë të barabartë si para dhe mbrapa. Kur mbani muskujt të tensionuar, shpina juaj drejtohet vetë. Pantallonat me bel të lartë dhe rripi i ngushtë do t’ju ndihmojë të mbani muskujt e barkut në masën e saktë.
- Uluni drejt
Uluni në buzë të karriges, futni një këmbë nën karrige dhe tjetrën shtrijeni. Kjo paraqitje do t’ju ndihmojë të uleni drejt, në mënyrë që të mbani ekuilibrin. Ulu në këtë pozicion pas kryerjes së ndonjë ushtrimi.
- Pesha mbrapa
Kur punoni në kompjuter, varni diçka në shpinë për t’ju tërhequr mbrapa, duke ju mbajtur të drejtën kurrizore drejt. Kjo do t’ju bëjë të përkryer.
- Pesha e kraharorit
Kur bëni punët e shtëpisë, varni një peshë në pjesën e përparme. Trupi juaj do të përpiqet të përballojë peshën dhe të tërheqë supet tuaja për të balancuar.
Të gjitha këto rekomandime janë të një varieteti afatshkurtër: ato kanë një efekt pothuajse të menjëhershëm që nuk zgjat për shumë kohë. Për rezultate më të mira, praktikojini ushtrimet e mësipërme rregullisht. (TIRANA TODAY)
