Shumë shpejt do të publikohet një dokumentar se çfarë ndodhte në dhomat e zhveshjes së Manchester Cityt gjatë rrugëtimit fantastik që patën sezonin që lamë pas në Premier League. Është Amazon Prime e cila ka siguruara këto pamje dhe do ti shfaqë më 17 gusht, për të cilat ka paguar plot 11 m,milionë euro.
Dokumentari do të ketë titullin “Gjithçka ose Asgjë”, ndërsa në trailerin e shfaqur tashmë shihet një fragment ku Guardiola u mban fjalim lojtarëve në dhomat e zhveshjes. “Do t’ju mbroj deri në momentet e fundit të jetës sonë në konferenca për shtyp, por këtu do t’ju tregoj të vërtetën.
Sot nuk pashë dëshirë për të fituar. Disa nga ju luajnë më mirë kur janë të zemëruar me mua. Kështu që, nëse duhet të më urreni, atëherë më urreni. Nuk ka asnjë problem.
Por në çdo seancë stërvitore, në çdo ndeshje, duhet të jeni atje, të gatshëm. E di që keni cilësi. E di që jeni lojtarë të talentuar. Por që të bëheni një skuadër e madhe, duhet të mësoni të luani futboll me pasion”.
Një dokumentar ky i jashtëzakonshëm me të pathënat e një rrugëtimi të gjatë dhe emocionues, që u mbyll me titullin e Premier League.
