Në një prononcim për mediat, kreu i Grupit Parlamentar të PS, Taulant Balla, është shprehur se kjo forcë është në krah të emigrantëve të diasporës. Ai i mëshoi faktit se e drejta kryesore që duhet t’iu garantohet emigrantëve, është ajo e votës.
“Nëse do ishim ftuar, edhe ne do ishim pjesë e protestës së diasporës. E dimë që Shqipëria i ka një borxh gjithë shqiptarëve që jetojnë në çdo cep të territorit, dhe në këto vite janë kontributor të ekonomisë së vendit.
Për PS, e drejta e votës që jetojnë jashtë territorit ka qenë kushti i vetëm që i kemi kërkuar palës tjetër, dhe e kemi bërë edhe këtë kur kemi qenë në opozitë, për të përfshirë në Kodin e ri Zgjedhor votën e shqiptarëve.
Edhe në thirrjen e fundit që bëra ne emër të PS, në dy seancat e fundit të Kuvendit, është që të mblidhemi e të votojmë bashkë me opozitën Kodin Zgjedhor që adreson mësë miri zgjidhjen.
Ndaj në seancë tjetër të mblidhemi dhe të votojmë për këtë reformë. Këta që u merakosën kaq shumë për protestën e diasporës, duhet të bëhen bashkë me ne, që të plotësojmë kërkesat e diasporës. Procesi ka qenë i vijueshëm prej kohësh me opozitën”, tha Balla.
