Një ngjarje e rëndë ndodhi dje, ku e gjithë skena e përplasjes me armë u shënua në ambientet e shtëpisë së shtetases Marsida Qatja, nënë e tre fëmijëve. Kjo e fundit, për “News 24” ka treguar me detaje çfarë ndodhi, ndërsa rrëfeu edhe njohjen me viktimën Dritan Haxholli dhe me Bledar Toçin, shefin e sigurisë së Burgut Durrës.
E pyetur se çfarë mesazhi ka për nënën e të ndjerit, Marsida tha se i vjen keq për çfarë ndodhi, dhe se ajo është nënë vetë, dhe e kupton se çfarë drame po përjeton.
“Nënës së Dritanit do t’i thoja se më vjen shumë keq. Nuk do doja që të arrinte deri këtu. Nëna e Dritanit është nënë, dhe nënë mos qofsh, se nënë jam vetë. Nëna e Dritanit është viktima e parë e Dritanit.
Më vjen keq që shprehem kështu. Më vjen keq që nëna e tij do ta dëgjojë dhe do të lëndohet. Nëse ka një viktimë të dhunuar, e para është nëna e Dritanit”, tha Marsida Qatja.
Vrasja në Kavajë/ Prokuroria urdhëron ndalimin e Marsida Qatjas
