Pas pothuajse 36 orësh nga rënia e tërmetit 6.4 ballë, vijojnë akoma operacionet e kërkim-shpëtimit në zonën e Thumanës dhe Durrësit.
Forca të shumta janë bashkuar nga Franca, Kosova, Rumania etj., për të ndihmuar vendin tonë, si pasojë e dëmeve të mëdha.
Ndërkohë mësohet se ekipi rumun ka arritur të lokalizojë lokalizojnë trupat e tre personave që ishin nën rrënoja në pallatin gjashtë katësh në lagjen nr.18 në Durrës.
Nën rrënoja janë gjetur një grua 47 vjeçe dhe një i ri 22 vjeç, të cilët rezultojnë të jenë nënë e bir. Sipas Abcnews.al, nënë e bir janë gjendur nga forcat rumune të pajetë dhe të kapur dorë për dore nën rrënoja.
Personi i tretë që gjendet nën rrënoja është nëna e piktores Diena Karanxha. Vajza e saj u nxor pa jetë nga ky pallat, ndërsa kjo e fundit u nxor gjallë nga rrënojat por më pas ndërroi jetë në spital.
