Pas refuzimit të kërkesës së tyre për azil, një familje shqiptare pritet të dëbohet nga Franca. Përkundër mobilizimit të banorëve të rrethit të Condamine, familja nuk i ka shpëtuar dëbimit.
Lot, zemërimi dhe sidomos mosbesimi. Të martën, shumë banorë të La Condamine u tronditën pas vendimit të dëbimit të familjes shqiptare në dhjetor ku temperaturat janë nën 0.
Me një gojë të gjithë pyesnin: si munden shërbimet shtetërore të lënë një çift dhe katër fëmijët e tyre në rrugë, kur bën kaq ftohtë?
“Oh, seriozisht, vajza e tyre, ajo është në moshës e vajzës sime”, tha një nënë e cila kishte shami të bardhë në kokë. Nëna në fjalë është shqiptare e cila jeton në Condamine dhe kishte dalë në mbrojtje të familjes nga vendi ynë. Një tjetër banore shpërthen në lot: “Nuk dua që ta kalojnë natën jashtë, nuk është njerëzore!”
Deri në fund, ata besonin se mobilizimi i tyre, i nisur të premten, do të çonte në një zgjidhje. Por, banorët kanë marrë një letër nga prefektura që e hidhte poshtë kërkesën e tyre./Përshtati: Tirana Today/
