Media bëri publike sot rastin e Florinda Lleshit, nënës me 3 fëmijë. Ajo jetonte me 3 djemtë e saj në një kasolle në mes të pyllit. Si grua e dhunuar nga burri, u largua nga Mirdita për t’u shpërngulur në Farkë të Madhe, Tiranë. Mediat raportuan për sakrificën që Florinda Lleshi bënte çdo ditë.
https://tiranatoday.com/videooj-nene-pse-me-bere-historia-prekese-e-florindes-jeton-me-tre-femije-ne-nje-kasolle-ne-pyll/
Me t’u njohur me rastin, Bashkia e Tiranës, përmes Drejtorisë së Përgjithshme të Kujdesit Social, ndërhyri. Kjo bashki reagoi për të zgjidhur situatën emergjente të nënës dhe 3 fëmijëve të saj. Florinda dhe fëmijët e saj u strehuan në një nga qendrat e mbrojtura të Tiranës. Gjithashtu, me marrjen e Urdhrit të Mbrojtjes, familja është futur në skemën e ndihmës ekonomike. Aktualisht shërbimi social i Bashkisë së Tiranës po kryen procedurat për transferimin e shkollës së djalit të madh. Ai do të dërgohet pranë shkollës më të afërt me Qendrën.
Ndërkohë, nga strukturat e shërbimit social të Bashkisë së Tiranës po ndiqen të gjitha hapat e tjera. Kjo nënë do të ndihmohet me tej.
Paralelisht me sistemimin e familjes në Qendër, Drejtoria e Përgjithshme e Kujdesit Social në Bashkinë e Tiranës, Zyra e Urbanistikës në Njësinë administrative Dajt, në bashkëpunim edhe me “Fundjavën Ndryshe”, po ndjekin procedurat për ndërtimin e një banese për Florindën dhe 3 fëmijët e saj.
