Gjatë ceremonisë përkujtimore për ekstremistin grek Konstandinos Kacifas, kryetari i PBDNJ-së, Vangjel Dule hodhi akuza ndaj policisë se po ushtron terror te banorët minoritarë të Dropullit.
Sipas tij, strukturat shtetërore kanë tentuar të frikësojnë e terrorizojnë shumë familje në fshatrat e Dropullit, kryesisht në Bularat.
“Duhet ta dinë nga ministri i Brendshëm tek kryeministri që janë frymëzues të këtyre praktikave se Dropulli nuk mund të realizohet me metoda policeske. Shumë familje në fshatin Bularat por dhe në fshatra të tjera të Dropullit kanë shprehur këtë shqetësim. Jo se janë terrorizuar por ka pasur tentativa nga struktura shtetërore për ti frikësuar dhe terrorizuar. Ju e dini shumë mirë si funksionon shteti në vendin tonë dhe çdo gjë kërkon mënyrën e vet dhe kohën e vet”, deklaroi Vangjel Dule.
Nga ana tjetër, pak më herët, nëna e Kacifas lëshoi thirrje të forta, teksa ishte tek varri i të birit. Para shumë njerëzve që ishin të pranishëm në ceremoninë përkujtimore, bënte thirrje në gjuhën greke për vrasje, dhunë dhe luftë.
