Ngjarja tragjike ku mbeti i vrarë vogëlushi 4-vjeçar në Maqedoni ka shkaktuar debate të shumta. Kujtojmë se gjatë ditës së djeshme ka dhënë dorëheqjen ministri i Drejtësisë në Maqedoni.
Nëna e Almirit, Mixhevere Kasumi para protestuesve tha se në protestë nuk është vetëm për fëmijën e saj, por për të gjithë fëmijët që rrezikohen nga ai kriminel të cilin shteti po e len të lirë, raporton Shenja.
“Almiri im nuk do të kthehet, por të paktën, fëmijët e tuaj të jetojnë të lirë. Sepse, djalit tim ja ndaloi rritjen duke mos mbushur ende katër vjet. Almiri nuk dinte të bënte dallime etnike. Ai kishte ëndrra të shkonte në shkollë, të lozte me shokët, por fatkeqësisht një kriminel me dashje ja ndaloi. Ne luftuam për gjuhën shqipe do të luftojmë edhe për padrejtësitë që i bëhen shqiptarëve, sepse fëmijët tanë nuk po arrijnë ta gëzojnë gjuhën e tyre, duke na vrarë e kthyer në aksidente” tha ajo, përcjellë Shenja.
Ajo ka sulmuar prokuroren e çështjes, ndërsa i ka treguar edhe njëherë se nuk ka nevojë për keqardhje, pasi sipas saj, ajo e ka vrarë fëmijën për herë të dytë.
Prokurores Kusigerska i them se unë nuk kam nevojë për keqardhjen tënde, nga ty deshta vetëm drejtësi për djalin tim por ajo më vrau për të dytën herë. Por drejtësia do të vij një ditë, sepse vrasësi nuk do të jetojë asnjëherë i qetë”, ka vijuar më tej nëna e Almirit të vogël para protestuesve.
