Ambasada Amerikane ka përgëzuar Shqipërinë, pas vendimit të ministrave të Jashtëm të BE-së, për të hapur negociatat në verën e vitit 2019 nëse plotësojmë disa kushte të paracaktuara.
Përmes një njoftimi të shpërndarë për të gjithë qytetarët, në profilin zyrtar në Facebook, Ambasada Amerikane vë në dukje se vendi ynë ka bërë përparim domethënës, dhe tani nevojitet të rrisë përpjekjet për të përfunduar reformat kyçe.
Po kështu, një shtysë e madhe vjen edhe në drejtim të Reformës në Drejtësi, luftën kundër korrupsionit dhe kundër krimit të organizuar.
Ministrat e Jashtëm të BE-së shtynë për në qershor të 2019-ës, hapjen e negociatave për anëtarësim me Shqipërinë dhe Maqedoninë.
Franca, Holanda dhe Danimarka shprehën rezerva për dy vendet, gjatë një takimi të Këshillit të Çështjeve të Përgjithshme, në Luksemburg.
