Video-skandali i publikuar në Brazil, ku shihet një politikan i martuar me 5 femra në hotel, ka shkaktuar bujë të madhe në mbarë botën.
Politikani, të cilit iu publikua videoja e orgjisë, konkurron për postin e guvernatorit në Brazil. Ai është i martuar, baba i tre fëmijëve.
Pas bujës së madhe që shkaktoi videoja, ka reaguar për herë të parë vetë politikani Joao Doria. Daily Mail raporton se ai ka mohuar të jetë personi në video.
Doria ka një ngjashmëri shumë të madhe me personin në video, por ai ka këmbëgulur se e gjitha është një shpifje dhe dashakeqësi nga kundërshtari i tij politik Marcio França.
Sipas The Sun, politikani ka kërkuar hetim për këtë çështje që të pastrohet emri i tij.
“Pashë një video të turpshme në rrjetet sociale, të prodhuara nga dikush që vetëm dëshiron të shkaktojë të keqen tek unë dhe familja ime”, ka thënë Doria.
Kandidati i Partisë Social Demokratike të Brazilit e quajti atë “një prodhim grotesk” dhe “lajme të rreme” përpara se të shtonte: “E pyeta një ekspert kriminal për të verifikuar këto imazhe. Gjithashtu kërkova ndjekje penale të autorëve të kësaj video. Më vjen keq që fushata në Sao Paulo ka arritur në atë nivel. Unë e hedh poshtë këtë me gjithë energjinë time”.
