Transportimi i lëndëve narkotike është bërë në forma nga më të ndryshme dhe shpesh të padëgjuara më parë. I tillë është rasti i sotëm, i kapur në Kakavijë.
Policia ka zbuluar një rast të trafikimit të drogës, përmes linjës së autobusit Berat-Athinë.
Sasia e kanabisit ishte fshehur brenda kovës së mbushur me reçel qershie. Droga u zbulua gjatë kontrollit në bagazhet e autobusit, një pako e mbështjelle me letër natriban.
Ngjarja ka ndodhur në vijën e dytë të kufirit, paraditen e sotme. Veprimet e para hetimore po kryhen nga Antidroga e DVP Gjirokastër, ndërsa nuk dihet se kush është poseduesi i saj.
