Eksperienca e Gigi Budffon tek PSG nuk ka nisur në mënyrën më të mirë të mundshme. Ai pësoi tre gola në miqësoren përballë Arsenalit dhe tek njëri gola ishte i gjithë faji i tij. Portieri italian nuk e ka të sigurt vendin e titullarit dhe këtë e ka pohuar edhe trajneri Thomas Tuchel.
“Konkurrenca për këtë rol është shumë e fortë, por do të vendos shumë shpejt se cili do të jetë titullari. Do ta bëj kur të tre portierët që kam në dispozicion të jenë 100% në formë”, u shpreh trajneri gjerman.
Por nuk vonoi dhe reagimi i Buffon. Ish-gardiani i Juventusit u shpreh se në karrierën e ti ai asnjëherë nuk ka marrë dhurata dhe nuk pret që të ndodhë tani, ai premton se do të punojë shumë për të fituar vendin e titullarit. “Në 24 vite askush nuk më ka dhuruar asgjë. Kam qenë gjithmonë titullar sepse kam punuar shumë dhe sepse e kam merituar. Erdha te PSG i bindur se kam ende mundësi të meritoj fanellën e titullarit”, deklaroi Buffon.
