Një ngjarje e rëndë ka tronditur Kroacinë, ku është ekzekutuar në mënyrë mafioze huligani i njohur, Ante Firiç. Ngjarja ka ndodhur këtë të mërkurë ku 27 vjeçari u godit nga tre makina njëherësh një Hundai, një Citroen dhe një Opel, e më pas u zu poshtë nga njëra prej tyre.
Firic njihen si një nga huliganët më të frikshëm të Splitit dhe që shkaktoi kaos në derbin midis Crvena Zvezda-s dhe Partizanit të Beogradit vitin e kaluar, ku më pas u dënua me gjashtë muaj burg dhe ndalim 5 vjet për të hyrë në territorin serb.
Nuk ka ende persona që janë arrestuar për ngjarjen, e cila veçanërisht nga mediat është konsideruar një vrasje mafioze.
