Fotografi David Canales ka qenë në vendin e duhur në momentin e duhur. 33- vjeçari ka arritur të dëshmojë një prej skenave më të pabesueshme, luftën midis një shqiponjë kokë-bardhë dhe disa pulëbardhave.
Canales fotografoi momentin kur një pulëbardhë guximtare i drejtohet shqiponjës vdekjeprurëse duke e goditur në kurriz, pasi kjo e fundit kishte kapur një mikeshën e vetë.
Ngjarja ndodhi në qiellin e Alaskës në Amerikë, teksa fotografi ishte duke fotografuar zogjtë. Ai u mahnit kur pa sesi shqiponja grabitqare zbriti tek tufa e pulëbardhave dhe kapi një prej tyre me anë të kthetrave. Ndërkohë rreth 10 të tjera menjëherë u ngritën në fluturim për të shpëtuar prenë.
“Papritur shqiponja nisi të sulmojë dhe u ul tek pulëbardha, kjo gjë shkaktoi tension dhe trazira edhe tek pulëbardhat e tjera. Gjithçka ndodhi shumë shpejt, unë nuk e kuptova sesa dramatike ishte situata, derisa pash fotot orë më vonë.”
Siç duket dhe në foto, një nga pulëbardhat është munduar të kapë pendët e e qafës së shqiponjës. Ndërkohë që preja sundohet të kafshojë kthetrat e shqiponjës, në përpjekje për të shpëtuar.
“U surprizova të shihja sesi shqiponja mund ta mbante pulëbardhën me aq shumë lehtësi. Pasi kjo e fundit është afërsisht në të njëjtën përmasë me shqiponjën.”
Por, edhe pse shqiponja u sulmua nga dhjetëra pulëbardha të tjera, përsëri ajo ia arriti të merrte një prej tre dhe të fluturonte larg prej të tjerave. Teksa shqiponja nisi të fluturonte me më shumë shpejtësi, pulëbardhat e kuptuan që nuk kishte asnjë shpresë për të shpëtuar mikeshën e tyre.
Më pas shqiponja gjeti një gërmadhë dhe nisi të hante prenë e sapo kapur. Ndërkohë që zogj të tjerë shihnin nga një distancë e sigurt./ Përshtati: Tirana Today Burimi: Daily Mail
