Fotografitë “selfie” janë shumë në modë, megjithatë shpesh kanë rezultuar fatale.
Në 18 muaj kanë ndodhur 127 vdekje gjatë shkrepjes së një fotoje “selfie”. Një numër ky i konsiderueshëm duke marrë parasysh shkakun e vdekjes.
Megjithatë, ka disa vende ku të bërit “selfie” është shumë më e rrezikshme se në vende tjera.
Sipas një studimi të bërë së fundmi, India regjistron numrin më të madh të vdekjeve të ndodhura gjatë shkrepjes së një “selfie”, duke numëruar më shumë se 60%.
Kështu, 76 nga 127 vdekje në raste të tilla kanë ndodhur vetëm në Indi.
Muajin e kaluar, një student 17-vjeçar u mbyt teksa tentonte të shkrepte një “selfie” para bregdetit, kur një dallgë e madhe e rrëzoi dhe më pas u mbyt.
