Lindjet në moshë të hershme duket se është një fenomen aktual në vendin tonë. Së fundmi, raste të tilla janë regjistruar në qytetin e Korçës, ku 13 vajza u bënë nëna në këto 10 muaj pa mbushur ende 18 vjeçe.
Ato zënë 2% të totalit lindjeve, ndërsa krahasuar me një vit më parë, ka pasur rënie të këtij fenomeni, por që mbetet i pranishëm.
Mishel Papakozmai tha për ora News:
“Në moshën nën 14-vjeçare vihet re një rënie e përqindjes së lindjes në këto mosha të vogla, janë 2%. Në moshën 14-vjeçare nuk ka lindje. Në moshën 15-vjeçare është vetëm një rast, 16-vjeçare janë tre dhe 17-vjeçare janë 9 raste. Pra 13 raste në total. Lindjet në mosha të vogla vetëm 10% kanë qenë me operacion, përqindja tjetër ka qenë me lindje normale. Është fakt pozitiv.”
Lidhur me rastet e lindjeve të femrave që u përkasin moshave 18 dhe 19 vjeç, duke krahasuar vitin e kaluar me 2018 nuk ka patur ndryshim të numrit, ku në të dyja vitet janë shënuar 5% të rasteve.
