Komandoja i cili ishte autori i ngjarjes në ish-Bllok, sipas gjithë gjasave mund të vetëdorëzohet. Të paktën këto janë burimet që disponon gazetarja Klodiana Lala.
Meviol Bilo është një nga personat e shpallur në kërkim, për ngjarjen e 4 tetorit në Bllok. Komandoja akuzohet se është autori i vrasjes së Fabian Gaxhës, si dhe plagosjes së Ervis Martinajt dhe Eljon Hatos.
Gazetarja rrëfeu në emisionin ‘Dritare me Rudinën’ në ‘News24’, se është sekuestuar arma e shërbimit të Bilos, në repartin e Zall-Herit, që thuhet se ishte përdorur që në 5 qershor. Po kështu ajo shtoi se kishte zëra për një vetëdorëzim të mundshëm të ushtarakut. Natën kur ndodhi krimi ishte jashtë shërbimit, por punonte privatisht si truproja i këngëtares Elvana Gjata.
“Sot është sekuestruar arma e shërbimit të Meviol Bilos, që e kishte përdorur që në 5 qershor. Thuhet se është duke u bindur për një vetëdorëzim, pasi mendohet se gjithçka ka qenë në tronditje e sipër”, tha Lala.
