Kryeministri Edi Rama i është kthyer sërish intervistave në ekranet e televizioneve shqiptare. Ai do të flasë për zhvillimet më të fundit në arenën politike dhe jo vetëm.
Këtë herë ka vendosur të ndryshojë formatin e emisioneve ku e kemi parë deri më tani. Në vend të emisioneve politike, Rama ka zgjedhur që këtë të premte ta kalojë pranë Arjan Çanit.
Nuk do të jenë në një takim kokë më kokë. Por si i ftuar në “Zonë e Lirë”, ku pritet të përballet me pyetjet thumbuese të gazetarit.
Vetë Rama e ka lajmëruar praninë e tij në Klan ditën e sotme, ndërsa e ka cilësuar emisionin e Çanit si të vetmin kazan që s’bën sikur s’është kazan.
Ai shkruan në Twitter:
Sonte do jem në të vetmin kazan që s’bën sikur s’është kazan, prandaj dhe nuk e përdor lirinë për t’u ankuar për mungesën e saj.
Aty ku e premtja mbrëma bëhet epilogu i javës politike e mediatike të shumë zhurmës për asgjë, e ku vetë balta shitet si mjalta. Zonë e Lirë natyrisht”
