Ndryshon rrjedha e ngjarjes në ish-Bllok, ku mbeti një i vrarë dhe u plagosën dy të tjerë. Një person, emri i të cilit nuk është përmendur deri më tani, është shpallur në kërkim për masakrën e 4 tetorit. Bëhet fjalë për Ajaks Boshnjakun, i cili ka lidhje miqësore me Ervin Matën, po i shpallur në kërkim nga policia.
Prokurorët Kreshnik Ajazi dhe Artan Lulo kanë firmosur urdhër ndalimi për Boshnjakun, pasi dyshohet se ky i fundit është gjithashtu i përfshirë në vrasjen që tronditi kryeqytetin.
Sipas hetimeve, rezulton se Boshnjaku ka qenë i pranishëm në lokal në momentin kur komandoja Meviol Bilo iu kundërpërgjigj sulmit me armë nga Fabian Gaxha, duke e lënë të vdekur atë.
Kërkimet e deri më tanishme për kapjen e Boshnjakut nuk kanë dhënë asnjë rezultat. Aktualisht në kërkim ndodhet Ervin Mata, Elvana Gjata, Meviol Bilo dhe Fabio Allushi.
Pronari i lokalit Redi Popeskun ndodhet nën masën e arrestit në shtëpi pasi dyshohet për kryerjen e veprimeve që pengojnë zbardhjen e së vërtetës. Ai refuzon të dorëzojë pistoletën e tij që mban me leje, për të cilën prokurorët kanë dyshime të jetë përdorur në krim.
Ndërkohë, Ervis Martinaj po mbahet nën arrest me afat 30 ditor.
