Nisi sot faza e parë e konkurrimit për të rinjtë që duan të bëhen punonjës policie.
Në ambientet e Pallatit të Kongreseve ka filluar sot testimi i kandidatëve. Ata konkurrojnë për të ndjekur studimet në Akademinë e Sigurisë, për pozicionin Patrullë e Përgjithshme. Ky është testimi me shkrim që do të zhvillohet gjatë dy ditëve në vijim. Ky testim i paraprin testimit fizik dhe atij psikologjik.
Në këtë testim marrin pjesë rreth 2700 të rinj nga i gjithë vendi. Ata konkurrojnë për 150 vende në Policinë e Shtetit.
Ditën e sotme kandidatët testohen mbi njohuritë e shkollës së mesme. Ndërsa pjesët e tjera të konkurrimit janë testimi fizik dhe ai psikologjik.
Testimi me shkrim monitorohet me kamera edhe nga një grup i Drejtorisë së Përgjithshme të Policisë së Shtetit, nga SHÇBA, ICITAP e PAMECA.
