Gazetari Trashgim Sokolaj, ka konfirmuar se në përgjimet voluminoze të grupit të trafikut të drogës nga Shijaku, dalin edhe emra deputetësh e kryebashkiakë. I ftuar në emisionin”360 Gradë” në “Ora News”, ai tha se në përgjime përmenden jo vetëm kryetar bashkish, drejtor hipotekash, drejtor burgjesh, por të paktën 20 deputetë.
“Për këtë rastin e 44 urdhër-arresteve, është e njëjta dosje ku ishte i përfshirë kryebashkiaku Vangjush Dako dhe një grupi nga Kosova, të përfshirë në trafik narkotikësh. Origjina e kësaj çështje është një referim nga Policia e Kavajës, për një ngarkesë prej 2 ton drogë, që është nisur nga Kavaja në Itali.
Prokuroria e Krimeve të Rënda, në momentin që ka shkuar në Gjykatë, ka vendosur ndarjen e procedimit penal për kryebashkiakun dhe grupin nga Kosova. Dhe po i vazhdon hetimet. Përgjimet ndaj këtij grupi të Shijakut që ka hotele në Durrës, Tiranë, madje edhe në Gjermani. Në përgjime përmenden jo vetëm kryetar bashkish, drejtor hipotekash, drejtor burgjesh, por të paktën 20 deputetë, majtas dhe djathtas. Prokuroria është ndodhur para një materiali shumë voluminoz”.
Vezaj: Bëhet fjalë edhe për një ministër të qeverisë Rama tani.
Sokolaj: Prokuroria duhet të sqarojë kush është implikimi i këtyre personave.
