Një pajisje shpërthyese u gjet të hënën në një kuti postare në rezidencën e Xhorxh Sorosit. Departamenti i Policisë së Bedfordit tha se një paketë e dyshimtë u zbulua nga një “punonjës i banesës”.
“Brenda paketës ishte një pajisje shpërthyes”, ka thënë policia. Punonjësi e vendosi materialin në një zonë të pyllëzuar dhe autoritetet e njoftuara në orën 3:45 të mëngjesit.
Policia e Nju Jorkut thotë se ka shkatërruar në mënyrë të sigurt një bombë të dyshuar të gjetur në shtëpinë e biznesmenit miliarder Xhorxh Soros.
Incidenti i cili ndodhi të hënën pasdite tani është duke u hetuar nga FBI. Soros është bërë një objektiv i shpeshtë i sulmeve të tilla.
Cfarë ndodhi?
Miliarderi nuk ishte në shtëpinë e tij në qytetin e Bedford në Westchester County në kohën e incidentit.
“Një punonjës i rezidencës hapi paketën, duke zbuluar atë që duket se ishte një mjet shpërthyes”, tha një zyrtar i Departamentit të Policisë Bedford për New York Times.
Zyrtarët thonë se policia mori një telefonatë për një paketë të dyshimtë. Teknikët e skuadrave të bombave më vonë e shkatërruan atë. FBI bëri të ditur se po heton për incidentin./TIRANA TODAY/
