Ditën e sotme, gjatë protestës së qytetarëve në Astir, një operator është goditur nga një person që kërkonte me insistim të kalonte në aksin e bllokuar nga protestuesit.
E gjithë skena është filmuar nga televizioni, teksa një nga bashkëshoqëruesit e drejtuesit të mjetit godet me grusht operatorin në krye të detyrës.
Gjithçka ka ndodhur në pak sekonda, ku shkak mendohet të ketë qenë fakti që drejtuesi i mjetit nuk ka pranuar të filmohet.
Unaza e Madhe pranë zonës së “Astirit” vazhdon të jetë e bllokuar nga protestuesit, të cilët kundërshtojnë prishjen e shtëpive dhe nuk pranojnë pagesën prej një viti të qirasë.
