Dy nipat e ish-deputetit socialist Arben Ndoka, janë dënuar me burg. Vilson dhe Damjan Ndoka, më 16 shtator 2014 kanë tentuar që të vrasin Fatmir Nikollin. Ky i fundit ishte kthyer në Shqipëri pas 6 vitesh emigracion në Itali, me qëllim dhënien e provimit të maturës. Nga breshëria e plumbave qe plagosur rastësisht edhe Lindita Gjoka.
Ditën e djeshme, pas 29 seancash gjyqësore, Gjykata e Apelit Shkodër ka dënuar Vilson dhe Damjan Ndokën. Gjykata në vendimin e saj deklaron se Damjan Ndoka është dënuar me tre vjet heqje lirie, ndërsa Vilson Ndoka me 8 vite burg.
Mbrojtja ka kërkuar ndryshimin e akuzës nga “vrasje e mbetur në tentativë”, në “kanosje”, gjë që nuk është pranuar.
