Duke folur në Forumin Evropian në Alpbach të Austrisë, Komisionieri për Zgjerim i BE, Johannes Hahn, ka thënë se nëse Kosova dhe Serbia pajtohen për ndryshim të kufijve, kjo nuk mund të përdoret si arsye për ndryshime kufijsh në vende të tjera në rajon. Në këtë formë, ai ka lënë të kuptohet se është në dijeni të ‘marrëveshjes’ mes palëve.
“Pa marrë parasysh se cila është zgjidhja dhe ne nuk përjashtojmë asgjë, duhet ta dimë se gjëja më e rëndësishme është stabiliteti në rajon. Kjo lloj marrëveshje nuk duhet të shtyjë ide të tjera. Pra edhe bashkësia ndërkombëtare duhet ta bëjë me dije se kjo është një marrëveshje vetëm për këtë rast, që në fund të ditës do të kontribuojë që të krijojë stabilitet, paqe dhe prosperitet në rajon”, u shpreh Hahn.
Hahn ka thënë se Prishtina dhe Beogradi duhen mbështetur që ata ta arrijnë një marrëveshje.
“Ne që jemi jashtë, nuk do të ishte e mençur që të intervenojmë në një formë, ose në një tjetër. Ne duhet t’ua lëmë atyre, por duhet t’ju japim çdo mbështetje për ta gjetur një zgjidhje”, ka thënë komisioneri Hahn.
https://tiranatoday.com/thaci-qeteson-gjakrat-marreveshja-sduhet-te-frikesoje-askend/
