Aktualisht Parlamenti është me pushime, teksa sesioni i pranverës fillon punë të hënën e tretë të janarit, që përkon me 21 janarin.
Por, duket se afatet e përcaktuara në Kushtetutë për miratimin e dekreteve të Presidentit, do t’i sjellë deputetët në punë një javë më herët se ç’ishte parashikuar në ligj.
Sipas Kushtetutës, ministrat emërohen ose shkarkohen me propozim të kryeministrit brenda 7 ditëve nga Presidenti. Gjithashtu, dekretet për emërimin apo shkarkimin e ministrit miratohen brenda 10 ditëve nga ana e Kuvendit.
Si rrjedhojë, edhe pse Parlamenti është me pushime, duket se dekretet e miratuara nga Presidenti Meta për emërimin dhe shkarkimin e disa të tjerëve, do i rikthejë ata në punë përpara afatit të përcaktuar nga Kushtetuta.
Afati i mbledhjes së Kuvendit është 15 janari, teksa dekretet e Metës për shkarkimin e gjashtë ministrave dhe emërimin e katër propozimeve të Ramës, u bënë më 5 janar.
