Plarent Ndreca emërohet Sekretar i Përgjithshëm i Ministrisë së Brendshme, duke zëvendësuar në detyrë Dritan Palnikaj, i cili emërohet Këshilltar i Kryeministrit.
Ndreca ka mbajtur edhe poste të tjera të rëndësishme si postin e Sekretarit të Përgjithshëm pranë Ministrisë së Arsimit, apo më pas si Sekretar i Përgjithshëm pranë Ministrisë së Mjedisit, të drejtuar nga Blendi Klosi.
Nga ana tjetër, për Dritan Palnikaj nuk është hera e parë që mban postin e Këshilltarit të Kryeministrit. Ndërsa më herët, ai ka mbajtur edhe poste të tjera si Sekretar i Përgjithshëm i Ministrisë së Brendshme apo Këshilltar i Ministrit të Brendshëm.
Gjithashtu ai ka punuar si avokat, përfaqësues i institucionit në Gjykatë si dhe inspektor jurist pranë AKKP.
