Pas disa vitesh vuajtje, është ndërtuar ura e re e Mënikut që lidh 1200 banorë të Ndroqit me Tiranën.
Pak ditë pas ndërtimit të saj nga Bashkia e Tiranës, Veliaj inspektoi përfundimin e punimeve të urës së re, e cila tanimë u shërben jo vetëm kalimtarëve dhe automjeteve, por do të afrojë më shumë banorët dhe produktet bujqësore të zonës me tregjet në Tiranë.
Kryebashkiaku tha se ky është një tjetër premtim i mbajtur për banorët, ndërsa shtoi se përmes këtij investimi të rëndësishëm në infrastrukturë, ky komunitet është më afër Tiranës.
Më tej, Veliaj tha se në dy vitet në vazhdim, vëmendja do të jetë tek përmirësimi i infrastrukturës në zonat rurale, si për rehabilitimin e qendrave të fshatrave, ashtu edhe për ndërtimin e rrugëve lidhëse me Tiranën.
Ura e re e Mënikut ka një gjatësi 60 metra dhe një gjerësi 6 metra, ndërkohë që lartësia e saj është 4 metra. Falë këtij investimi është zëvendësuar ura e vjetër, e cila shërbente vetëm për këmbësorët, por që për shkak të dëmtimeve të vazhdueshme, ishte kthyer në një rrezik për jetën e banorëve.
[ngg_images source=”galleries” container_ids=”449″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
