Nuk është hera e parë që ish-kryeministri Berisha nxitohet me postimet dhe del bllof. I tillë është edhe rasti i sotëm, lidhur me policen e lënduar, të cilën e quajti “ndrikull”, ndërsa e porositi që të ruante gishtat.
“Ndrikull, ruaj gishtat se ti vjedhin hajnat!”, shkruante ndër të tjera Berisha duke publikuar një foto të një efektiveje, e cila u vizitua në spital nga ministri Sandër Lleshi.
“Ndrikull, ruaj gishtat se ti vjedhin hajnat! Te dashur miq, kjo eshte ndrikulla per te cilen mashtruan si derra nga Edvin Kristaq Urrejtja tek Sander Vasali dhe Geron Veliu, sipas te cileve ajo ka humbur 4 gishtrinje nga eksploziv i hedhur nga protestuesit. Siç shihni nga foto ajo ka nje demtim te nje gishti ndaj dhe nuk eshte fashuar as pellemba dhe as gishtrinje te tjere. Duke i thene te shkuara, le te keshillojme ndrikullen me uniforme te ruaj gishtrinjte sepse meqe nuk i ka humbur do ja vjedhin hajnat per hir te vijes se kuqe! ps: Vendosja e policeve ne rreshtin e pare perballe demostruesve eshte model i Gedafit. Sb”, ishte ky reagimi i plotë i Berishës.
Por, pas këtij postimi, është publikuar fotoja e efektivës së lënduar, e cila u dëmtua rëndë nga protesta. Fotoja është nxjerrë nga Kreu i Grupit Parlamentar të PS-së, Taulant Balla, i cili i kërkon Berishës të fshijë postimin dhe t’i kërkojë falje polices.
“Çmenduria nuk ka brirë! Por ky sulm i turpshëm i një ish-kryeministri ndaj një vajze të re është pak ta quash çmenduri. Sali Berisha! Kjo vajzë e re, punonjëse e Policisë së Shtetit, ka moshën e mbesës tënde. Të të vijë turp që more guximin të shkruash këtë palaçollëk ndaj saj. Fshije urgjent këtë postim dhe kërkoji falje vajzës. Mjaftohu me baltën dhe shpifjet që bën ndaj nesh çdo ditë. Por mos guxo të fyesh vajzën e një familje të thjeshtë shqiptare, e cila kryen me ndershmëri detyrën si punonjëse e Policisë së Shtetit. Turp!”, shkruan Balla në një postim në Facebook.
Berisha e ka fshirë postimin, ndërsa lajmi është publikuar po ashtu në shumë media.
