Vietnami i cili cilësohet si një histori suksesi e koronavirusit, ka njoftuar sot masat e daljes nga izolimi dhe distancimi social.
Edhe pse është më i varfër se shumë vende të tjera të rajonit dhe ka një kufi thuajse të hapur prej 860 miljesh me Kinën, Vietnami ka regjistruar vetëm 268 raste dhe asnjë viktimë.
Kryeministri Nguyen Xuan Phuc tha se asnjë provincë e Vietnamit nuk konsiderohet “shumë e rrezikuar nga pandemia” edhe pse bizneset jo-thelbësore do të vijojnë të jenë të mbyllura.
Xuan Phuc është konsultuar me homologët nga Kina, Korea e Jugut dhe Japonia për hartimin e një strategjie të përbashkët në luftën kundër koronavirusit.
Rastet e para të koronavirusit në Vietnam janë shfaqur më 15 mars. Ndërsa prej ditësh tashmë, Vietnami nuk ka regjistruar asnjë rast të ri. Vetëm 44 nga 268 rastet janë ende aktive në këtë shtet.
