“O2 Arena” do të presë një përballje spektakolare mes dy boksierëve të peshave të rënda, Tony Bellew dhe David Haye. Boksierët britanikë janë përplasur në konferencën për shtyp sot pasdite në Londër dy ditë para përballjes. Në momentin që dy boksierët kanë shkuar ballë për ballë (face to face), kanë shtyrë me duar njëri-tjetrin, duke patur një përplasje fizike. Menjëherë kanë ndërhyrë forcat e sigurisë që kanë ndarë dy sportistët, që duket se do të dhurojnë spektakël në ring ditën e shtunë.
Gjithçka dukej se po mbyllej mirë, por në momentet e fundit boksierët kanë përdorur duart për t’u kacafytur mes tyre. Tension që ka konfirmuar se mes dy boksierëve nuk ka aspak një marrëdhënie të mirë. Bellew ka fituar me “KO teknik” sfidën e parë mes tyre zhvilluar para një viti, ndërkohë që më 5 maj do të zhvillohet revanshi. Të dy boksierët kanë deklaruar se synojnë fitoren në këtë sfidë dhe kanë kërcënuar rivalin se do ta mundin me “KO”, ndaj të shtunën pritet një përballje e fortë mes dy boksierëve britanikë.
Pse rrogat rriten në letra, por varfëria rritet në realitet?
