Opozita e bashkuar është rikthyer sot në Kuvend. Në nisje të seancës plenare, kreu PD-së Lulzim Basha, nga foltorja ka treguar arsyen e kthimit të opozitës.
Basha tha se sot në Kuvend janë vetëm për studentët dhe kërkoi që vetëm ligji i buxhetit të jetë në rend dite, duke hedhur akuza mbi maxhorancën.
“Gjysma prej jush do jetë në burg. Kemi ardhur vetëm për atë buxhetin e studentëve këtu. Hajduti psikik këtu mbrapa dhe ju të tjerët keni thyer rregulloren”, ishte kjo një pjesë e fjalës së Bashës.
Më tej kryedemokrati i drejtua Ramës dhe socialistëve: “Ke shkelur Kushtetutën, ke shkel procedurën ose keni kapur gjithçka po kam edhe bankën. Po kap edhe bordin e Bankës së Shqipërisë. Me 28 firma të këtyre deleve të bandës së hajdutëve”.
Ndërkohë këtu ndërhyn një deputet i PS-së, ku Basha i drejtohet me tone të ashpra: “Ti pusho! Ti pusho ti! Se merrem edhe me ty pastaj. E more vesh, qepe gojën! Bandit! Bandit!”. Ndërsa, nga pas shpinës së kryedemokratit Rama shikohet duke fishkëllyer dhe buzëqeshur.
