Nga konkurrenca tek miqësia, raporti mes tyre është kthyer shpesh në lajm për shumë media rozë! Për faktin, se të dy moderojnë formate emisionesh të suksesshme, edhe pse në televizione të ndryshme. Karakteri argëtues i emisioneve të tyre mund t’i vendosë edhe në garë konkurruese mes njëri-tjetrin!
Po flasim për Luana Vjollcën dhe Ermal Mamaqin! Por, me sezonin e ri televiziv, gjërat kanë ndryshuar disi. E sidomos oraret në të cilat transmetohen emisionet e tyre. “Xing” me Ermalin është postuar në një orar të mëvonshëm, por sërish ai apo ajo sapo gjejnë hapësirën e mundshme ia përmendin njëri-tjetrin konkurrencën, ndonëse në nota humori.
Kështu, një prej të ftuarve të nesërm në “Shiko kush Luan” do të jetë Ermal Mamaqi, e si për të fokusuar vëmendjen në këtë fakt, pasi prej shumë kohësh nuk e kishim parë moderatorin në studiot e Top Channel, ku ka qenë vetë ai që ka ngritur pyetjen se kush do të jetë në krahë të Luanës.
Kjo e fundit ia kthen: “Ermal Mamaqi se ke idenë si do të të konkurroj nesër dmth”! E shprehur në këtë formë, sigurisht që shprehja merr edhe doza humori, pse jo edhe rivaliteti, sepse ata e kanë thënë hapur si në fakt shumica e moderatorëve shqiptarë që janë në garë të vazhdueshme për shifrat e audiencës.
Mbetet të shohim lojën nesër për të mësuar më shumë…
