Kryeministri Edi Rama tha se të hënën do të nisë puna për ndërtimin e Spitali Rajonal i Fierit, i cili do të financohet nga Turqia.
Teksa ndodhej në Fier së bashku me Ministren e Shëndetësisë Ogerta Manastirliun, në Rama tha se qeveria turke ka dhënë 3 muaj kohë për ndërtimin e spitalit në Fier që do të ketë personel turk.
Rama u shpreh se zona ku do ndërtohet spitali, duhet të jetë në anë të autostradës, në mënyrë që të ketë akses të plotë në infrastrukturë.
Sipas tij, objekivi është që në Fier të këtë një spital për gjithë zonën e jugut.
Edi Rama: ”Menaxheri, shefat e pavijoneve do të jenë të sistemit shëndetësor të republikës turke. Kjo do të shërbejë me të njëjtat standarte në aspektin financiar, do të këtë shërbim falas. Burimet njerëzore do të administrohen nga vetë ata, do të rekrutohen mjekët dhe infermierët, do të shërbejë si laborator i dijeve të transferuara, rritje të kapacieteteve. Do të realizojë objektivin, që në Fier të këtë një spital për gjithë zonën e jugut. Në vend që të ikin në Turqi, të mund të vijnë këtu sikur të jenë në mes të Stambollit.
Ky spital do të ndërtohet nga tre muaj, zona duhet të jetë në anë të autostradës, duhet të ketë akses të plotë në infrastrukturë. Javën tjetër fillon puna, vijnë njerëzit e ngarkuar për këtë punë, projektin janë duke e bërë gati. Ne do t’i vëmë në shërbim gjithcka, asnjë zvarritje, kjo është detyra jone, duhet bërë sa hap e mbyll sytë do ngrej një skuadër me tre veta që të merren me këtë punë. Do ti shpërbejmë ne. Ministrja ka caktuar një person vetëm për Fierin. Ne duhet të jemi në rregull nga ana jonë, ata thonë e bëjnë për tre muaj, ta bëjnë për tre. Të shkojmë ta shikojmë si vend. Ky do të jetë një spital shëmbëlltyre, të jetë i aksesueshëm nga të gjithë.”
