Një shqiptar ka ndërrua jetë ndërsa kaloi natën në një stol në park. Ai gjatë ditës kishte kërkuar lëmoshë para kishës së Santa Croce, Itali. Ndërsa gjatë natës ai kishte fjetur në një stol pranë një kafeneje. Shqiptari ishte një fytyrë e njohur për banorët e zonës. Ardjan Sulo, 47 vjeç, një shqiptar i pastrehë u gjet i vdekur dje në mëngjes.
Mediat italiane shkruajnë se shqiptari nuk e kishte njërën këmbë dhe për të lëvizur përdore një karrocë. Ai jetonte rrugëve nën shoqërinë e qenve, ndërsa nuk pranonte ndihmën e askujt.
Por, kishte qenë një kalimtar i vëmendshëm, i cili kishte vënë re se ai nuk po jepte asnjë reagim. Kalimtari menjëherë kishte njoftuar autoritetet. Kur kishte arritur stafi mjekësor kishte konfirmuar se shqiptari kishte ndërruar jetë.
Më pas mjekët kishin njoftuar policinë dhe trupin e të ndjerit e kanë dërguar në morgun e Ponzio, ku do t’i bëhet autopsia.
Kushtet fizike të Ardjan Sulos kishin qenë shumë të rënda dhe nuk përjashtohet se vdekja mund ti ketë ardhur edhe për shkaqe natyrore. Nga ana tjetër ai dyshohet se mund të këtë ndërruar jetë nga i ftohti që ka mbërthyer këto ditë Italinë.
“Mësuam me keqardhje lajmin për vdekjen e 47-vjeçarit të pastrehë të gjetur në një stol. Ai gjithmonë e ka refuzuar ndihmën tonë dhe jemi duke hetuar shkaqet e vdekjes së tij”, tha në një deklaratë këshilltari për Politikat Sociale të Palazzo Marino, Pierfrancesco Majorino./TIRANA TODAY/
